ဒီခြေလှမ်းပဲ
အမှန်တရားဆီ ရွေ့လျားနေတယ်
ဒီခြေလှမ်းပဲ
ချောက်နက်ဆီ တွန်းပို့နေတယ်။
ဒီခြေလှမ်းပဲ
ဆင်းရဲတွင်းက ရုန်းထွက်နေတယ်
ဒီခြေလှမ်းပဲ
နွံနစ်အောင် ဆွဲခေါ်နေတယ်။
ဒီခြေလှမ်းပဲ
အရှေ့နေထွက်ရာဖက် ချီတက်နေကြတယ်
ဒီခြေလှမ်းပဲ
အနောက် နေ၀င်ရာဖက် ဦးတည်ချင်ကြတယ်။
ဒီခြေလှမ်းပဲ
ကုဋေတစ်သန်း အဖိုးတန်တယ်
ဒီခြေလှမ်းပဲ
တစ်ကွက် အရွေ့မှားရင် အစားခံရတယ်
ရှေ့နဲ့နောက် လွန်ဆွဲနေတဲ့ ဒီခြေလှမ်းတွေမှာ
ချွေးတွေရှိတယ်၊ သွေးတွေရှိတယ်
ရည်ရွယ်ချက်ရှိတယ်၊ ပန်းတိုင်ရှိတယ်
မြတ်နိုးခြင်းရှိတယ်၊ စွန့်လွတ် သီးခံခြင်းတွေရှိတယ်
လောဘရှိတယ်၊ အတ္တရှိတယ်
ဒေါသရှိတယ်၊ ရန်ညှိုးရှိတယ်
ဆာလောင်မှုတွေရှိတယ်။
ဆူးညှောင့် အတားအဆီးတွေကြောင့်
အကြိမ်ကြိမ် ခလုတ်တိုက် လဲပြိုခဲ့လည်း
ဒီခြေလှမ်းတွေမှာ အားမာန်ရှိတယ်
ပန်းတိုင်ကို မရောက်မချင်း
ရှေ့ဆက်လို့ လှမ်းကြမယ်။
(နိုင်းနိုင်းစနေ၀က်ဆိုက်မှ ကူးယူဖော်ပြပါသည်။)
Subscribe to:
Post Comments (Atom)
No comments:
Post a Comment