အလင်းပေါက်မှန်တစ်ချပ်ကြည့်ရသလို
ပုံရိပ်တွေ ၀ိုးတ၀ါး…။
လောကဆိုတာ
မှန်လို အလင်းပြန်တတ်တယ်…တဲ့။
ရောင်ပြန်မျှော်ရင်း
ဘ၀တွေလေ….မိုးချုပ်ခဲ့ကုန်ပြီကော…။
ကြယ်တွေဝင်းလို့
အလင်းတွေ ကြဲခါမှ
သားပြန်လာချင်တယ် အမေ…။
အမှောင်တွေသာ တင်းလာပြီး
အလင်းဖြာဖို့ ခက်နေသမျှ
သားအပြန်လမ်းတွေ
ခက်ထန်နေသေးတယ် အမေ…။
သီလစောင့်ရင် အူမတောင့်ပါတယ်သားရယ်တဲ့…။
အမေပြောနေကြ စကားလေ…။
အူမတောင့်ဖို့ ကိုယ်မစောင်းပေမယ့်
ခါးကိုင်းနေခဲ့ပြီ အမေ…။
နွမ်းလျလျ အတွေးအိမ်တွေလည်း
ယိုင်နဲ့လုလု ပြိုကျလုလု…။
အမေ မျှော်လင့်တဲ့ “စံ” နှုန်းမြင့်လူသား
ပါးလျလျသာ ကျန်ပါတော့တယ် အမေရယ်…။
အလည်လွန်နွမ်းနယ်နေတဲ့
တိမ်မည်း တစ်စု
အမေ့အိမ်မှာ သည်းသည်းမဲမဲရွာဖို့
ငွေ့ရည်တွေ စုနေရတုန်းပါ အမေ…။
အမေ…
အမေ့မေတ္တာကြောင့်…
အက်ဆစ်မဖြစ်အောင် နေထိုင်နေရတဲ့
သားတစ်ယောက် …
ရေခါးခါး ဖြစ်ချင်နေပီအမေ…။
ဒုတိယနတ်ဘုရားဆိုတဲ့ကောင်ကို
လိုအပ်နေသေးသမျှ
သားရဲ့တောင်ပံတွေ
သန်မာနေရအုန်းမှာပါ အမေ…။
နားခိုဖို့….
အမေ့ အသိုက်ကိုသာ
တမ်းတနေမိတယ်အမေ…။
သားပြန်လာချိန်မှာ
………
………
………
ငှက်ဆိုးတွေ ၀င်မလာပါစေနဲ့….။
No comments:
Post a Comment