ဆုတောင်းတိုင်းသာ ပြည့်မယ်ဆိုရင်ချစ်သူရဲ့ ရင်ထဲက ခံစားချက်တွေကို
စာရွက်ပေါ်ရေးချတဲ့ အခါ
ကြားခံအဖြစ်သုံးတဲ့ လက်ဖ၀ါးနုနုကို
ဆုပ်ကိုင်ပြီး တူတူလမ်းလျှောက်ထွက်ချင်တယ်။
လိုချင်တာတခုရဖို့ ကျန်တဲ့အရာတခုစွန့်လွှတ်မှတဲ့လား...
ဒါဆို....
ချစ်သူရဲ့ အသံကို အမြဲကြားရဖို့
ငါသိပ်ကြိုက်တဲ့
သီချင်းတွေနဲ့ မှစတေးရမယ်ဆိုလည်း
ဒီတသက် ငါ့ ကမ္ဘာမှာ သီချင်းတွေ မရှိလည်းဖြစ်တယ်။
ဖြစ်နိုင်ရင်
ချစ်သူကိုဘေးနားထား
အပေါစားကော်ဖီခပ်ခါးခါးတခွက်
အရသာခံ သောက်ကြည့်ချင်တယ်...
မင်းဘေးနားရှိနေမှတော့
အပေါစားကော်ဖီလည်း
အစွမ်းကုန်ကို ချိုမြိန်နေမှာသေချာတယ်။
မသေခင်ဒီဘ၀မှာ
ချစ်သူ့ လက်ဖ၀ါးနုနုကို ဆုပ်ကိုင်
အလွတ်ရပြီးသားသီချင်းတစ်ပုဒ် ငြီးဆိုရင်း
အပေါစားကော်ဖီတခွက်တော့
အရသာခံသောက်ကြည့်ချင်သေးတယ်။
No comments:
Post a Comment